Xabier Pérez Davila: Privatización de las pensiones públicas: Escrivá dirige un asalto decisivo

Estes días estase tramitando no congreso dos deputados o proxecto de “Lei de Regulación para o Impulso dos Plans de Pensións de Emprego” (LRIPPE) ao que, como sabedes, opoñémonos. Para explicar as causas desta oposición recomendamos a lectura deste moi didáctico e documentado artigo do noso compañeiro Xabier Pérez Davila.

No artigo explica, entre outras cousas, que son as Entidades de Previsión Social Voluntaria de Euskadi (EPSV) que menciona Escrivá como modelo. Enmarca este Proxecto de lei nun novo proceso de privatización do público referido ao sector das pensións (con dúas vías: diminuíndo as achegas da empresa á Seguridade Social e mediante desgravacións fiscais do IRPF). Ou Desmonta a falacia de que o obxectivo destas entidades financeiramente reforzadas sexa realizar investimentos socialmente uteis.

Un artigo moi recomendábel:  Ligazón ao artigo.

Comparecencia do 06-04-2022 dos Movementos de pensionistas dos diferentes Pobos e Comunidades do Estado demandando o rexeitamento do proxecto de “Lei de Regulación para o Impulso dos Plans de Pensións de Emprego” (LRIPPE)

Hoxe 6 de abril os movementos de pensionistas dos diferentes Pobos e Comunidades do Estado fixemos chegar a nosa proposta aos grupos do Congreso. Contamos coa presenza na concentración dos partidos que compartiron a nosa demanda de retirada do Proxecto de Lei e comparten a necesidade de deixalo sen efecto no trámite parlamentario. Estiveron presentes e interviron, despois dos movementos de pensionistas convocantes, ERC, EHBildu, Compromís, CUP, Más País, BNG e Unidos Podemos.

-Comunicado de prensa de Modepen

-Posicionamiento compartido de plataformas y movimientos de pensionistas de los diferentes Pueblos y Comunidades del Estado

-Emendas ERC co apoio do BNG, Compromís, Máis País, Bildu e CUP

-Emendas UP

Video Fotos de la concentracion en Madrid el 6 de Abril de 2022

Intervencións dos portavoces:

Video 01 – Intervencion de Gonzalo Balo, presidente de Modepen

Video 02 – Intervención de Isabel Franco, de Unidas Podemos

Video 03 – Intervencion Ramon Franquesa, Portavoz de Coespe Oficial

Video 04 – Madrid 20220406

Video 05 Madrid 20220406

Video 06 Madrid 20220406

Valoración de Modepen do 04-04-2022 da tramitación parlamentaria da LRIPPE

Achegamos a valoración de Modepen do 04-04-2022 da tramitación parlamentaria da LRIPPE (Lei de regulación para o impulso dos plans de pensións de emprego), unha lei que, de aprobarse, significará o inicio do proceso de privatización do sistema público de pensións.

En resume, no comunicado constatamos que, grazas en boa medida ás nosas mobilizacións, presentáronse importantes emendas de fondo ao Proxecto de Lei. Por unha banda, ERC, co apoio do BNG, Compromís, Máis País, Bildu e CUP, van contra a liña de flotación da estratexia da Lei e, por outra, tamén Unidas Podemos presentou un conxunto de emendas entre as cales a número 5 propón non permitir o desvío de fondos da Seguridade Social cara aos fondos privados.

Diante destas emendas, na boa liña, debemos redobrar a nosa mobilización e evitar que o sector máis neoliberal do PSOE busque outros apoios parlamentarios. Por iso imos manter a loita pensionista unitaria, e nese camiño, o vindeiro mércores, en Madrid, os movementos de pensionistas que constituímos a Unidade de Acción Pensionista, entre eles o MODEPEN, estaremos cos deputados críticos co proxecto de Lei para dar unha mensaxe clara de unidade e vontade de mobilización.

E o máis axiña posíbel, organizaremos co resto do movemento estatal de pensionista unha grande
mobilización unitaria, esixindo a retirada do proxecto de Lei.

Ver o documento completo nesta ligazón.

INTERLOCUCIÓN DIRECTA DE LOS PENSIONISTAS CON LA ADMINISTRACIÓN SOBRE LA REFORMA DE LAS PENSIONES.

Como probabelmente xa saberedes, na actualidade existe un amplo espazo unitario que agrupa a maioría das organizacións de pensionistas do estado, construído non sen esforzo e con intensa participación do MODEPEN. Ese espazo unitario, amplo e plural, está constituído pola nosa propia organización, o MODEPEN, así como pola COESPE (Coordinadora Estatal de Pensionistas), o EHPM (Movemento de Pensionistas de Euskal Herria), o MADPP (Movemento Andaluz en Defensa das Pensións Públicas), Unidad-COESPE, así como por varias Plataformas Locais (Móstoles, Badaxoz, Alcoi, …). Pois ben, desde ese amplo espazo unitario, diante dos últimos acordos que o Goberno do Estado firmou con empresarios e sindicatos para a reforma das pensións, con data do 28 de xuño, diriximos un primeiro escrito ao Presidente do Goberno D. Pedro Sánchez.

Nesa primeira carta, solicitabamos que nos recibira para facerlle partícipe das nosas preocupacións ante eses acordos e o día 13 do presente mes, recibimos un escrito asinado polo Xefe do Gabinete da Presidencia no que nos informa dos acordos aos que chegaran e que, por razóns de axenda, o Presidente no nos podía recibir, desviando as nosas demandas ao Ministerio do Sr. Escrivá.

Despois de analizar conxuntamente esta resposta, que non nega a nosa lexitimidade de representación como interlocutores do movemento de pensionistas do Estado, e como manifestación de que a nosa vocación de diálogo sigue en pé, acordamos dirixirnos novamente ao Presidente, reiterándolle a necesidade de manter a entrevista que lle solicitamos e amosándolle o noso rexeitamento a ser representados por calquera outro axente social, que non sexan os propios colectivos pensionistas que levamos máis de tres anos na rúa, en defensa do sistema público de pensións, e por unas pensións públicas dignas, xustas e suficientes.

No ficheiro anexo, “210720 INTERLOCUCIÓN” van os documentos que reflicten o que vos comentamos nos parágrafos previos.

Quédanos un tempo duro por diante para o que nos estamos preparando. Espérannos convocatorias de mobilizacións locais, nacionais e estatais, nas que esperamos poder contar coa vosa presenza e colaboración, porque agora máis que nunca, é necesaria a nosa presenza nas rúas e prazas das nosas vilas e cidades.