Categoría: AXENDA

A

Por que moitas persoas pensionistas senten que perden poder adquisitivo se, nos anos 2023 e 2024, as pensións subiron porenriba do IPC ?

Porque o IPC é unha media ponderada do que soben distintos grupos de bens e servizos: vestido e calzado, vivenda, medicina, transporte, alimentos , bebidas non alcohólicas………

Os prezos dos alimentos son os que máis subiron , máis dun 30%. nos tres últimos anos, 2021, 2022 e 2023,

As persoas e familias que viven de pensións e salarios baixos, gastan unha parte moi importante dos seus ingresos en alimentación. Se o prezo dos alimentos subiu máis que o IPC xeral, as persoas de baixos ingresos teñen máis difícil mercar alimentos frescos e chegar ao fin de mes.

No Estado español existen 9 millóns de persoas pensionistas. Destas, hai dos grupos que teñen grandes dificultades para afrontar a suba dos prezos dos alimentos e os gastos correntes.

• As que perciben pensións inferiores a 800 €, cantidade mínima para non situarse en risco de pobreza, . Case tres millóns no Estado español e 300 mil en Galicia.

• As que perciben pensións inferiores ao salario mínimo interprofesional, 1.080 € en 2023. Case 2 millóns no Estado español e 200 mil en Galicia.

É dicir: cerca de 5 millóns de pensionistas reciben unha pensión que non lles permite vivir con dignidade.

Por iso no MODEPEN reivindicamos que ningunha persoa pensionista cobre unha pensión inferior ao salario mínimo interprofesional, 1.134 €.

Continuaremos defendendo as medidas necesarias para fortalecer o sistema público de pensións, para que as traballadoras e traballadores hoxe en activo exerzan no futuro o dereito a unha pensión digna, e para evitas máis recortes e privatizacións do público.

ESIXIMOS

• Recuperación da idade legal de xubilación aos 65 anos .

• Derrogación da lei que fomenta as pensións de capitalización a través dos plans de empresa. Non á xestión privada das pensións públicas.

• Políticas efectivas para acabar coa fenda salarial, de emprego e de pensións que discrimina as mulleres.

• Xubilación sen penalizar a partir dos 40 anos cotizados.

• Unha Auditoría pública da Seguridade Social Xa, en cumprimento da lei.

• Servizos sociais 100% públicos, de cobertura universal, e de calidade contrastada.

• Sanidade pública de calidade.

GOBERNE QUEN GOBERNE AS PESIÓNS DEFÉNDENSE

SE QUERES CONTACTAR CON NÓS : modepencoruna@gmail.com