Estes días estase tramitando no congreso dos deputados o proxecto de “Lei de Regulación para[…]
Leer más
O Movemento de Pensionista chama á mobilización contra o Proxecto de Lei para o Fomento dos Plans de Pensións de Emprego e esixindo a súa retirada.
Achegamos o Documento asinado conxuntamente por diferentes plataformas e movementos de pensionistas dos diferentes Pobos[…]
Leer más
Modepen apoiou a manifestación convocada pola PLATAFORMA SAF (Servizo de Atención a Dependentes no Fogar) de Galiza por un CONVENIO DIGNO.
Modepen estivo na manifestación convocada pola PLATAFORMA SAF (Servizo de Atención a Dependentes no Fogar)[…]
Leer más
Artigo en “65 y más”: “Os prezos seguirán disparados en 2022, afundindo o peto do pensionista” (Pepa Montero)
“Os prezos seguirán disparados en 2022 polo menos ata mediados de ano, o que supón[…]
Leer más
Latest Posts
O Movemento de Pensionista chama á mobilización contra o Proxecto de Lei para o Fomento dos Plans de Pensións de Emprego e esixindo a súa retirada.
Achegamos o Documento asinado conxuntamente por diferentes plataformas e movementos de pensionistas dos diferentes Pobos e Comunidades do Estado acordando convocar unha mobilización unitaria conxunta, ampla e contundente na semana en que se debata o Proxecto de Lei no Congreso.
– Porque é un PL que se quere sacar adiante menosprezando as mobilizacións de pensionistas e a posición contraria ao PL de partidos como ERC, EHBildu, Mais País, BNG, CUP, Compromis que presentaron no seu día unha emenda á totalidade do proxecto.
– Porque é un proxecto que empobrece as pensións públicas e abre a porta á súa privatización, supoñendo un impulso aos plans privados de pensións de emprego ou empresa que só benefician ás grandes entidades financeiras privadas, que verán aumentar o seu negocio en miles de millóns de euros.
No documento tamén se rexeita, sen paliativos, o recente pre-acordo de convenio da construción a nivel estatal, asinado pola representación de CCOO e UXT (sem consultar nin informar á súa propia afiliación), no que se acorda promover un plan de emprego de pensións ao amparo deste PL, que nin sequera tivo aínda a opción de ser emendado.
Xabier Pérez Davila: Privatización de las pensiones públicas: Escrivá dirige un asalto decisivo
Estes días estase tramitando no congreso dos deputados o proxecto de “Lei de Regulación para o Impulso dos Plans de Pensións de Emprego” (LRIPPE) ao que, como sabedes, opoñémonos. Para explicar as causas desta oposición recomendamos a lectura deste moi didáctico e documentado artigo do noso compañeiro Xabier Pérez Davila.
No artigo explica, entre outras cousas, que son as Entidades de Previsión Social Voluntaria de Euskadi (EPSV) que menciona Escrivá como modelo. Enmarca este Proxecto de lei nun novo proceso de privatización do público referido ao sector das pensións (con dúas vías: diminuíndo as achegas da empresa á Seguridade Social e mediante desgravacións fiscais do IRPF). Ou Desmonta a falacia de que o obxectivo destas entidades financeiramente reforzadas sexa realizar investimentos socialmente uteis.
Un artigo moi recomendábel: Ligazón ao artigo.
Comparecencia do 06-04-2022 dos Movementos de pensionistas dos diferentes Pobos e Comunidades do Estado demandando o rexeitamento do proxecto de “Lei de Regulación para o Impulso dos Plans de Pensións de Emprego” (LRIPPE)
Hoxe 6 de abril os movementos de pensionistas dos diferentes Pobos e Comunidades do Estado fixemos chegar a nosa proposta aos grupos do Congreso. Contamos coa presenza na concentración dos partidos que compartiron a nosa demanda de retirada do Proxecto de Lei e comparten a necesidade de deixalo sen efecto no trámite parlamentario. Estiveron presentes e interviron, despois dos movementos de pensionistas convocantes, ERC, EHBildu, Compromís, CUP, Más País, BNG e Unidos Podemos.
-Comunicado de prensa de Modepen
-Emendas ERC co apoio do BNG, Compromís, Máis País, Bildu e CUP
Video Fotos de la concentracion en Madrid el 6 de Abril de 2022
Intervencións dos portavoces:
Video 01 – Intervencion de Gonzalo Balo, presidente de Modepen
Video 02 – Intervención de Isabel Franco, de Unidas Podemos
Video 03 – Intervencion Ramon Franquesa, Portavoz de Coespe Oficial
Valoración de Modepen do 04-04-2022 da tramitación parlamentaria da LRIPPE
Achegamos a valoración de Modepen do 04-04-2022 da tramitación parlamentaria da LRIPPE (Lei de regulación para o impulso dos plans de pensións de emprego), unha lei que, de aprobarse, significará o inicio do proceso de privatización do sistema público de pensións.
En resume, no comunicado constatamos que, grazas en boa medida ás nosas mobilizacións, presentáronse importantes emendas de fondo ao Proxecto de Lei. Por unha banda, ERC, co apoio do BNG, Compromís, Máis País, Bildu e CUP, van contra a liña de flotación da estratexia da Lei e, por outra, tamén Unidas Podemos presentou un conxunto de emendas entre as cales a número 5 propón non permitir o desvío de fondos da Seguridade Social cara aos fondos privados.
Diante destas emendas, na boa liña, debemos redobrar a nosa mobilización e evitar que o sector máis neoliberal do PSOE busque outros apoios parlamentarios. Por iso imos manter a loita pensionista unitaria, e nese camiño, o vindeiro mércores, en Madrid, os movementos de pensionistas que constituímos a Unidade de Acción Pensionista, entre eles o MODEPEN, estaremos cos deputados críticos co proxecto de Lei para dar unha mensaxe clara de unidade e vontade de mobilización.
E o máis axiña posíbel, organizaremos co resto do movemento estatal de pensionista unha grande
mobilización unitaria, esixindo a retirada do proxecto de Lei.
PLANS DE PENSIÓNS PRIVADOS DE EMPREGO: Un proxecto que empobrece as pensións públicas e abre a porta a súa privatización.
Valoración conxunta de plataformas e movimentos de pensionistas dos diferentes Pobos e Comunidades do Estado:
Boletin nº 6 de MODEPEN Val Miñor
MODEPEN: Manifesto pola Paz
Manifesto da Xornada de Mobilización Estatal de Pensionistas do 12 de febreiro 2022.
EXIXIMOS O IPC REAL E PENSIÓNS MÍNIMAS DIGNAS.
REXEITAMOS A PRIVATIZACIÓN.
As organizacións de pensionistas de diferentes Pobos e Comunidades do Estado Español asinaron un manifesto convocando unha nova mobilización conxunta e descentralizada en defensa do sistema público de pensións e contra a nova reforma que pretende recortalo e deterioralo unha vez máis para o vindeiro 12 de febreiro.
No manifesto chámase aos pensionistas e a toda a cidadanía, a defender unhas pensións dignas, o seu carácter público e unas condicións de traballo dignas, para EXIXIR:
– Garantir que en 2022 e anos sucesivos o poder adquisitivo das pensións se revalorice en función do incremento do “IPC real” (o “IPC Acumulado Anual”) tal como se viña facendo antes da reforma de 2011, así como a compensar a perda do 3% do poder adquisitivo das pensións do ano 2021.
– Garantir que non haxa pensións por debaixo do limiar da pobreza, eliminando a fenda de xénero en salarios e pensións e incrementando a pensión mínima até equipararse ao salario mínimo (SMI), e que este se sitúe no 60% do salario medio, como recomenda a Carta Social Europea.
– Garantir pensións públicas dignas xustas e suficientes e o carácter público do Sistema de Pensións, derrogando os recortes das reformas de 2011, 2013 y 2021, e rexeitando a privatización total ou parcial do mesmo, baixo calquera fórmula.
Manifesto da Xornada de Mobilización Estatal de Pensionistas do 12 de febreiro 2022.
MODEPEN, xunto cos movementos de pensionistas dos diferentes Pobos e Comunidades do Estado, apoiamos as mobilizacións dos Pensionistas de EUSKAL HERRIA previstas para o 15/01/2022.
Artigo en “65 y más”: “Os prezos seguirán disparados en 2022, afundindo o peto do pensionista” (Pepa Montero)
“Os prezos s
eguirán disparados en 2022 polo menos ata mediados de ano, o que supón unha perda inmediata de poder adquisitivo para o peto do pensionista e un maior gasto acumulado en pensións para a Seguridade Social.”