Categoría: NOVAS DESTACADAS

AS PRINCIPAIS ORGANIZACIÓNS
DO MOVEMENTO PENSIONISTA DO ESTADO ESPAÑOL,
IMPULSAN UNHA CAMPAÑA DE RECOLLIDA DE FIRMAS
EN FAVOR DAS PENSI0NES PÚBLICAS DIGNAS,
E CONTRA AS REFORMAS
QUE SUPOÑEN O SEU EMPOBRECEMENTO E PRIVATIZACIÓN

INSTAN ÁS E AOS TRABALLADORES A APOIALA E DIFUNDILA
NOS CENTROS DE TRABALLO, NOS BARRIOS, NOS POBOS E NOS
ENTORNOS SOCIAIS E FAMILIARES

As organizacións de pensionistas abaixo relacionadas, dos diferentes territorios e pobos do
Estado español, queren alertar ás xentes traballadoras e á opinión pública do grave risco que
corre o Sistema Público de Pensións e, nese sentido, da ameaza que supoñen, para as actuais
pensións e tamén para as pensións futuras, as reformas que se están implementando para
empobrecer e privatizar as pensións públicas, todo ilo a vontade dos poderes financeiros e a
banca.

Para iso puxeron en marcha unha CAMPAÑA DE RECOLLIDA DE FIRMAS (nas catro linguas do
Estado), nunha dobre modalidade:

1. Unha campaña física, en concentracións, mesas nas rúas, barrios e pobos
(especialmente os “luns ao Sol”).

2. Unha campaña telemática, a través da plataforma Change.org,, coas ligazóns
Galego_https://www.change.org/p/pensi%C3%B3ns-p%C3%BAblicas-dignas-ninrecortes- nin-privatizaci%C3%B3nshttps://www.change.org/p/pensi%C3%B3ns-p%C3%BAblicas-dignas-nin-recortes-nin-privatizaci%C3%B3ns
Eúscaro_ https://www.change.org/p/pentsio-publikoak-defenda-ditzagun
Català_ https://www.change.org/p/pensions-p%C3%BAbliques-dignes-ni-retallades-ni-privatitzacions
Castelán– change.org/stopprivatizacionpensiones

As firmas recollidas, físicas ou telemáticas, serán entregadas ao Congreso dos
Deputados, na gran mobilización do 15 de Outubro de 2022 en Madrid.

PREGAMOS A MÁXIMA DIFUSIÓN

Promoven:
ASJUBI40, Asociación Jubilación Anticipada sin Penalizar, COESPE, Coordinadora Estatal por la
Defensa del Sistema Público de Pensiones, EHPM, Movimiento de Pensionistas de Euskal Herria,
MADPP, Movimiento Andaluz en Defensa de las Pensións Públicas, MODEPEN, Movemento
Galego en Defensa das Pensións e os Servizos Públicos, UNIDAD COESPE e as PLATAFORMAS DE
PENSIONISTAS de Badajoz e Móstoles.

Mobilización en Madrid o día 15 de Outubro.

Pola recuperación do poder adquisitivo de pensións e salarios.

Comunicado dos grupos da Unidade de Acción.

¡¡Goberne quen goberne, as pensións e os dereitos deféndense!!

¡¡O 15 de outubro todos en Madrid !!

ASJUBI40 (Asociación Jubilación Anticipada sin Penalizar),
COESPE (Coordinadora Estatal por la Defensa del Sistema Público de Pensiones),
EHPM (Movimiento de Pensionistas de Euskal Herria),
MADPP (Movimiento Andaluz en Defensa de las Pensións Públicas),
MODEPEN (Movemento Galego en Defensa das Pensións e os Servizos Públicos),
UNIDAD COESPE,
PLATAFORMAS DE PENSIONISTAS de Badajoz, Móstoles …

Achegamos o Documento asinado conxuntamente por diferentes plataformas e movementos de pensionistas dos diferentes Pobos e Comunidades do Estado acordando convocar unha mobilización unitaria conxunta, ampla e contundente na semana en que se debata o Proxecto de Lei no Congreso.

– Porque é un PL que se quere sacar adiante menosprezando as mobilizacións de pensionistas e a posición contraria ao PL de partidos como ERC, EHBildu, Mais País, BNG, CUP, Compromis que presentaron no seu día unha emenda á totalidade do proxecto.

– Porque é un proxecto que empobrece as pensións públicas e abre a porta á súa privatización, supoñendo un impulso aos plans privados de pensións de emprego ou empresa que só benefician ás grandes entidades financeiras privadas, que verán aumentar o seu negocio en miles de millóns de euros.

No documento tamén se rexeita, sen paliativos, o recente pre-acordo de convenio da construción a nivel estatal, asinado pola representación de CCOO e UXT (sem consultar nin informar á súa propia afiliación), no que se acorda promover un plan de emprego de pensións ao amparo deste PL, que nin sequera tivo aínda a opción de ser emendado.

Ver o documento aquí.