Autor: modepen

Os e as pensionistas máis vulnerábeis quedan fora do real decreto-lei 20/2022 de 27 de decembro, e demandamos que sexan incluídos.

NOVAS DESTACADAS, PENSIÓNS

As principais organizacións de pensionistas do Estado Español, entre elas o MODEPEN, emitiron o 04/01/2023, unha Nota de Prensa na que rexeitan se o goberno exclúa aos pensionistas con menores recursos do acceso ao CHEQUE DE 200 € que o goberno estatal entregará ás persoas e familias con menores recursos económicos.

As organizacións de pensionistas exixen que se permita acceder ao Cheque aos pensionistas con condicións económicas máis precarias.

NOTA DE PRENSA, 04/01/2023

Os e as pensionistas máis vulnerábeis quedan fora do real decreto-lei 20/2022 de 27 de decembro, e demandamos que sexan incluídos. 

As plataformas y movementos de pensionistas dos Pobos e Comunidades do Estado que que subscribimos este texto, denunciamos:

Que outra vez os e as pensionistas con pensións pequenas, contributivas e non contributivas, quedan fora da medida máis importante das aprobadas polo Goberno para facer fronte a situacións de vulnerabilidade económica e social diante da carestía da vida: O CHEQUE DE 200 EUROS.

Na normativa, de 27 de decembro, establécese claramente que os e as pensionistas con pensións tanto contributivas como no contributivas NON poderán solicitar o cheque. Tampouco poderán pedilo as persoas que cobran o Ingreso Mínimo Vital.

Parécenos ben que podan solicitalo as familias e persoas que ingresen até uns 1.900 € mais/mescremos que, con máis razón, tamén deben poder recibilo os e as pensionistas que cobren cantidades mensuais bastante máis pequenas.

O goberno esquece que máis do 50% de las pensións no Estado Español están por debaixo do Salario Mínimo Interprofesional (1.000 € bruto , mensual) que as mulleres pensionistas seguen percibindo as pensións máis baixas, algunhas delas rozando o umbral da pobreza.

Exiximos que as persoas pensionistas que cumpran as condicións de nivel de renda requirida no decreto anticrise, sexan incluídas nesta medida, que podería paliar en parte a situación de precariedade na que se atopan.

As persoas pensionistas demandamos reverter os recortes das reformas de pensións de 2011, 2013 e 2021, recuperar o poder adquisitivo das pensións públicas, restablecer a paga compensatoria de final de ano, e situar a pensión mínima no 60% do Salario Medio.

Asemade, demandamos que se adopten medidas estruturais e non conxunturais para que todas las persoas accedan a unhas condiciones de vida dignas, baseadas no reparto equitativo da riqueza.

Estas, entre outras, son as medidas que vimos demandando dende hai máis de 5 años coas nosas mobilizacións.

GOBERNE QUEN GOBERNE

AS PENSIÓNS PÚBLICAS DEFÉNDENSE !

ASJUBI40 (Asociación Jubilación Anticipada sin Penalizar),

COESPE (Coordinadora Estatal por la Defensa del Sistema Público de Pensiones),

EHPM (Movimiento de Pensionistas de Euskal Herria),

MADPP (Movimiento Andaluz en Defensa de las Pensiones Públicas),

MODEPEN (Movemento Galego en Defensa das Pensións e os Servizos Públicos),

UNIDAD COESPE,PLATAFORMAS DE PENSIONISTAS de Badajoz, Móstoles

Documento de la Nota de Prensa.

Reportaxe no Telexornal da TVG:  Sobre os pensionistas que quedan fora do Real Decreto-Lei 20/2022 de 27 de decembro, sobre O CHEQUE DE 200 EUROS

Noticia publicada en contrainformación.es:  Los y las pensionistas más vulnerables se quedan fuera del cheque de 200 euros y demandamos que se les incluya.

Noticia publicada en @NegociosTV:  Los pensionistas denuncian que el Gobierno se ha olvidado de ellos con el cheque de 200 euros.

Balance dun ano de loitas: Intervención do Compañeiro Evaristo Lombardero, na concentración do MODEPEN celebrada en Ribadeo, o 3 de decembro de 2022.

NOVAS DESTACADAS

Na concentración que adoita ter a Plataforma de Modepen en Ribadeo os primeiros sábados de mes o noso compañeiro Evaristo Lombardero Rico fixo un balance deste ano de loitas.

Dese cumprido balance saíron as páxinas que achegamos e que consideramos moi interesantes como referente tanto do que pasou neste ano no que pasaron tantas cousas, como pola perspectiva que nos ofrece dos traballos e reivindicacións que nos debemos marcar para o futuro inmediato.

Porque no 2022 afrontamos grandes retos: Unha grave crise social e política. Unha crise de unidade, hoxe mellor encamiñada, dentro do noso movemento. Unha reforma en profundidade do ministro Escrivá á que había que dar resposta, con éxitos reais, por certo, pero aínda non totais.

E entre os asuntos que aínda seguen pendentes cómpre mencionar especialmente a Auditoría das Contas da Seguridade Social, que xa debería estar feitas segundo a lei, ou a pretensión de Aumentar o período de computo para o cálculo das pensións. Sen esquecernos da suba, real, das pensións de acordo coa inflación, a eliminación da brecha de xénero, o non a privatización dos Plans de Empresa… ou do Dereito á Saúde e a Educación Publicas e de calidade, á un parque público de vivendas de alugueiro…

En calquera caso unhas páxinas que cómpre ler.

Artigo do compañeiro Evaristo.

Reflexións dun mozo de corenta anos sobre as pensións: “Sí, jóvenes, están hablando de vuestras pensiones”.

OUTRAS NOVAS - EN POLEIRO ALLEO

“A miña xeración -nacida nos anos setenta- nunca pensou na súa xubilación. E non digamos os máis novos, nativos precarios. Pero chegará o día, e é mellor que nos preocupemos por iso e non obviar as propostas de reforma das pensións.”

Así empezan estas interesantes reflexións de Isaac Rosa no xornal eldiario.es.

Unhas reflexións sobre paro e precariedade, autónomos, reforma das pensións… E que remata deste xeito:

“…Máis nos vale atender, informarnos, protestar cando sexa necesario, defender os nosos dereitos. Si, os nosos. Porque esta reforma, como as anteriores e as que veñan despois, non son para os xa xubilados -que por certo xa loitan polo seu, xa podemos aprender deles-, senón para os pensionistas do futuro. É dicir, nós. Que si, que vale, que aínda seremos novos aos setenta anos. Mozos e precarios. Mozos e pensionistas precarios, coma non espertemos.”

Artigo de Isaac Rosa no “eldiario.es”.

 

Comunicado da Manifestación 19N Compostela: Na defensa da vida digna, os servizos públicos e o Estado de Benestar.

MOBILIZACIÓNS, NOVAS DESTACADAS

Representantes do Movemento Galego en Defensa das Pensións e os Servizos Públicos (MODEPEN Galicia), a Plataforma Pensionistas Compostela, a Central Unitaria de Traballadoras (CUT), a Confederación Xeral do Traballo (CGT Galicia) e o Sindicato Labrego Galego-Comisións Labregas (SLG-CCLL) -entidades convocantes canda TReGa, FOANPAS, Vellez Digna, Plataforma SAF Galiza, Sindicato de Estudantes, Os Ninguéns, Verdeval, colectivos da Renda Básica e distintas formacións políticas- presentaron na mañá de hoxe en rolda de prensa no local nacional do SLG en Compostela a mobilización descentralizada na defensa dunha vida digna, a recuperación e fortalecemento dos servizos públicos e a esixencia de medidas políticas que garantan o Estado de Benestar que terá lugar en todo o Estado español vindeiro sábado 19 de novembro, convocada na capital galega con saída dende a Alameda compostelá ás 12h.

Francisco L. Vázquez Vizoso, de MODEPEN Galicia, explicou que esta convocatoria xurde a iniciativa da Coordinación Estatal de Pensionistas, tomando como impulso o éxito da manifestación celebrada en Madrid o pasado 15 de Outubro, na que máis de 50.000 persoas demandaron a posta en marcha de medidas políticas que garantan a recuperación do poder adquisitivo e salarios dignos para as clases traballadoras.

Vizoso valorou que estamos entrando nunha vaga de mobilizacións na que é fundamental a unidade das loitas dos traballadores e traballadoras fronte a intención das forzas políticas de non equilibrar os salarios e pensións co IPC, atacando frontalmente as nosas economías, empobrecéndonos recurtando a nosa capacidade adquisitiva. Dende MODEPEN Galicia animan a “ir dinamizando a creación dunha forza social para acadar que os gobernos acepten as reivindicacións dos distintos sectores sociais”, e nesta liña avanzou que a mobilización do vindeiro sábado será sucedida pola convocatoria na defensa da sanidade pública realizada por SOS Sanidade Pública o 30 deste mes nun importante número de localidades galegas.

Nesta mesma liña, Paco Castro Alvaredo, da Plataforma Pensionistas Compostela, reiterou a importancia de que, canda os espazos reivindicativos que está abarcando cada sector,  haxa tamén un espazo de confluencia de todos estes procesos sectoriais, uníndonos en convocatorias como a mobilización deste sábado 19 polo Estado de Benestar e os servizos públicos.

A Secretaria Xeral do Sindicato Labrego Galego, Isabel Vilalba Seivane, abondou nos motivos desta convocatoria explicando que  as pensións das persoas do rural que normalmente traballaron na agricultura toda a súa vida son das máis baixas do Estado, e as sucesivas reformas non fixeron máis que incrementar esta precariedade e esta perda de capacidade adquisitiva. No tocante aos servizos básicos, denunciou,  ca excusa de que no rural hai cada vez menos poboación estanse suprimindo constantemente servizos sanitarios, educativos, de transporte, afectando estes recortes a moitas familias, e especialmente ás mulleres, que é sobre quen recae en maior medida as responsabilidades vinculadas aos coidados das persoas do seu entorno”.

Vilalba tamén quixo mencionar de xeito explícito a loita das traballadoras do Servizo de Atención ao Fogar, en folga dende o pasado 2 de novembro convocada pola Confederación Intersindical Galega (CIG) e secundada pola Plataforma SAF Galiza, apuntando que a mobilización do 19 procurará tamén reforzar a presión social para que se proceda á negociación dun convenio laboral que poña fin á vergoñenta precariedade na que desenvolven un traballo tan sensíbel como é garantir a dignidade das persoas dependentes.  Estas traballadoras están vendo como non lles des dan condicións de traballo dignas, están con xornadas parciais, con salarios moi baixos, non hai mesmo protocolos de prevención de riscos laborais porque traballan en domicilios particulares, véndose sometidas moitas veces a condicións mesmo extremas. Incomprensiblemente plantéxaselles unha subida do 1%, unhas condicións que non teñen nada que ver nin co IPC ni ca inflación que estamos sufrindo actualmente”.

A Secretaria Xeral do SLG salientou tamén que o deterioro da atención primaria e da sanidade “é un feito que nos está preocupando dun xeito moi importante ao conxunto da poboación, afortunadamente está sendo contestado cunha gran reacción social que esperemos que na Galiza tamén serva para acabar con estas políticas neoliberais que nos quitan dereitos e nos privatizan a vida. Dende o SLG todo o noso apoio, é unha reivindicación da que nos sentimos partícipes todas e todos, esteamos no rural ou esteamos no urbano”.

Iria Beiroa Otero (CUT Galicia), trasladou o apoio da Central Unitaria de Traballadoras porque como sindicato de clase defendemos os servizos públicos, queremos que as pensións contributivas e non contributivas -moitas deas percibidas por mulleres- sexan un ben público, opoñémonos á súa privatización e esiximos que tanto estas como os salarios suban co IPC, para que ninguén quede atrás.

Miguel Ángel Cuña (CGT Galicia), corroborou o compromiso da Confederación Xeral do Traball na defensa dos servizos públicos, contra a destrución do poder adquisitivo da maioría da poboación e a oposición á rebaixas nos salarios e pensións. Avogou ademais porque todos os servizos públicos “sexan sometidos ao control social e da clase traballadora” e trasladou o apoio da da CGT Galicia ás vindeiras mobilizacións que terán lugar logo deste sábado 19.As organizacións convocantes apelan á unidade para conformar unha forza plural que presione para garantir a protección social.

Canda a defensa das pensións públicas, a Sanidade ou o Ensino a mobilización procurará fortalecer o apoio ás demandas do SAF.

Documento do Comunicado de Prensa

Documento do Manifiesto da Manifestación do 19 de Novembro.

Texto publicado o xoves 24 de novembro 2022, en “Praza Pública”.

19-11-2022. En Defensa da Vida Digna, dos Servizos Públicos e do Estado do Benestar.

MOBILIZACIÓNS, NOVAS DESTACADAS

Como sabemos este sábado 19 de novembro hai convocada unha manifestación en Santiago de Compostela en defensa “dunha vida digna, a recuperación e reforzo dos servizos públicos e a demanda de medidas políticas que garantan o Estado do Benestar”.

Os convocantes son diversas organizacións sociais que abranguen desde Movementos de pensionistas (Modepen, Plataforma pensionistas Compostela), Sindicatos (CGT, CUT), da Defensa do Mundo Rural (SLG) das Dependencias (Vellez Digna, Trega, Plataforma SAF), Ecoloxistas e de defensa do territorio (Verdeval), Sociais (Os Ninguéns, Colectivos pola Renda Básica), da Defensa da Educación (Foanpas).

Neste enlace temos información sobre a rolda de prensa celebrada para convocar esta acción, na que interviron Francisco Vázquez Vizoso, de MODEPEN Galicia, Paco Castro Alvaredo, de la Plataforma Pensionistas Compostela, Isabel Vilalba Seivane, do Sindicato Labrego Galego, Iria Beiroa Otero, de CUT Galicia e Miguel Ángel Cuña, de CGT Galicia.

Tamén relacionado con esta convocatoria consideramos de intereses enlazar o artigo do noso compañeiro Bieito Lorenzo, publicado no xornal Praza.gal.

Enlaces:

Rolda de prensa.                                                Artigo de Bieito Lorenzo.                                   Máis información nesta web.

 

O 19 de Novembro voltamos á rúa en Santiago en defensa dos Servizos Públicos.

MOBILIZACIÓNS, NOVAS DESTACADAS

Como sabemos o pasado 15 de outubro os Movementos de pensionistas do estado manifestármonos unitaria e masivamente en Madrid en Defensa da suba de salarios e pensións de acordo co IPC real, pola Eliminación da brecha de xénero tanto en salarios como en pensións, por unhas Pensións mínimas dignas, contra a Privatización do sistema público de pensións, en Defensa de todos os servizos públicos e pola realización dunha vez da Auditoría de Contas da Seguridade Social.

De como foi esta manifestación tedes cumprida información nestas mesmas páxinas. Como broche final por agora o pasado día 27 de outubro presentáronse no Congreso dos Deputados as sinaturas recollidas para esixir estas mesmas reivindicacións (máis de 225.000 segundo “65 y más”: https://www.65ymas.com/futuro-pensiones/pensionistas-entregan-225000-firmas-exigiendo-subida-pensiones-con-ipc-real_44680_102.html) .

No acto de entrega Gonzalo Balo, de Modepen, esixiu o cumprimento dunha vez por todas dos prazos estabelecido na Lei 21 do 28 de decembro de Auditoría das Contas da Seguridade Social, como podemos ver neste vídeo: https://www.youtube.com/watch?v=cdOLsoflDbg

Porque, a quen non lle interesa demostrar con luz, taquígrafos e números que o actual Sistema de Reparto das Pensións é perfectamente viábel? Porque ese é o problema, que a Auditoría vai por números aos cartos que o Estado sacou da caixa da seguridade social, os gastos impropios, e iso non interesa aos poderosos sectores que vén un gran negocio no “suposto fracaso” do Sistema Público e na “suposta insotenibilidade” do mesmo, eses “corvos” privatizadores, que ven como se lles pode escapar ese gran negocio da súa privatización. Por de pronto están ganado tempo para desenvolver o seu plan.

Modepen e os demais movementos de pensionistas non imos ficar calados. Imos seguir a saír á rúa. E xa puxemos data, o vindeiro 19 de novembro, en Compostela: En Defensa do Estado do Benestar e dos Servizos Públicos. E non estaremos sós, iremos da man doutros colectivos interesados nos mesmos obxectivos.

Éxito dos Movementos Pensionistas na Manifestación do 15 de Outubro en Madrid.

MOBILIZACIÓNS, NOVAS DESTACADAS

Fotos de la Manifestación

Nota de prensa das Organizacions de Pensionistas convocantes da Manifestación do 15 de Outubro.

Videos da Prensa relacionadas coa Manifestación:

EuropaPress: Miles de pensionistas denuncian la pérdida de poder adquisitivo

Europa Press: Miles de pensionistas se manifiestan en Madrid por las pensiones y los salarios “dignos”.

RTVE: Miles de personas exigen REVALORIZAR las PENSIONES y los SALARIOS con el IPC

Antena 3: Pensionistas se manifiestan en Madrid para exigir que las pensiones se igualen al IPC: “Queremos lo que es nuestro”

EuroNews: Miles de manifestantes en Madrid exigen una subida de salarios y pensiones según la inflación

Noticias da Prensa:

Espacios Europeos: Miles de personas se manifiestan en Madrid convocadas por plataformas, coordinadoras y asociaciones de Pensionistas

EuropaPress: Miles de pensionistas denuncian la pérdida de poder adquisitivo y defienden pensiones y salarios “dignos”.

Faro de Vigo: Los pensionistas salen a la calle para denunciar pérdida de poder adquisitivo y reclamar salarios dignos.

65ymas: Éxito de la manifestación de pensionistas del 15 de octubre.

65ymas: Los pensionistas salen a la calle por la subida con el IPC real: “La jubilación no es un regalo”.

elDiario.es: Miles de pensionistas salen a la calle para pedir subir las pensiones, salarios dignos y romper la brecha de género.

Cadena SER: Los pensionistas ‘toman’ Madrid por la pérdida de poder adquisitivo: “Hay que luchar por una pensión que permita tener una vida digna”.

el Dia: Varios miles de personas llenan Madrid en defensa de salarios y pensiones dignas, servicios públicos y sanidad.

 

¿Camiñan á bancarrota a Seguridade Social e o seu sistema de público de pensións?

PENSIÓNS

Para poder responder con rigorosidade á pregunta os pensionistas esixen a realización previa da “auditoría de contas”.

En realidade non é unha esixencia dos pensionistas senón unha obriga da Disposición adicional sexta da Lei 21/2021, do 28 de decembro, de Garantía do Poder Adquisitivo das Pensións, que concedía ao Goberno “o prazo máximo dun mes” para encargar unha auditoría sobre “os ingresos provenientes de cotizacións sociais de natureza contributiva e non contributiva da Seguridade Social” entre os anos 1967 e 2019, incluídas as bonificacións e exencións recollidas na Lei xeral desa institución, para entregala “nun prazo máximo de seis meses” á Comisión do Congreso do Pacto de Toledo. O prazo xa hai tempo que rematou. E nada.

Obviamente non se poden saber as razóns do goberno para incumprir o prazo, pero si se poden apuntar algunhas hipóteses razoábeis:

– A primeira hipótese é que as previsíbeis conclusións da auditoría repercutirían considerablemente na estrutura da débeda pública española, aínda que sen modificar o seu importe.

Porque non estamos a falar de cifras menores: O informe de fiscalización do Tribunal de Contas, realizado hai dous anos, estimou, como mínimo, en 103.690 euros o financiamento que a Seguridade Social achegara entre 1967 e 2018 ao resto das administracións para cubrir conceptos non contributivos (71.862 millóns de euros de gasto indebidamente asumido pola Seguridade Social en complementos por mínimos e 31.828 de carácter sanitario) O propio organismo advirte de que estas cantidades “son meras estimacións” e que, en realidade, a cantidade sería maior. Ademais habería que sumarlle os intereses.

Para situarnos, eses 103.690 millóns son claramente superiores aos 99.184 millóns nos que se calculaba a débeda da Seguridade Social en xullo deste ano segundo os datos do Banco de España. É dicir, o saldo quedaría limpo de débitos mentres que a débeda pública da Administración central dispararíase ata sete puntos, situándose en 1,45 billóns.

– A segunda hipótese é que a auditoría desmantelaría o mantra de que a Seguridade Social e o seu sistema público de pensións van cara á bancarrota.

E non se nos escapa a importancia de manter este mantra, esta falsa percepción, para desa forma xustificar a súa privatización.

Por esta razón a realización da auditoría forma parte das reivindicacións dos pensionistas na vindeira manifestación do 15 de outubro.

Por esta razón a realización da auditoría forma parte das reivindicacións dos pensionistas na vindeira manifestación do 15 de outubro.

Ligazón a o artigo do diario Público “El Gobierno incumple la ley y congela la auditoría que permitiría el equilibrio contable de la Seguridad Social”.